Ein gardbrukar i Oppstryn dreiv og bygde seg ny lade. Til hjelp hadde han den unge
gardsdrengen. Bonden var oppteken av at støttebjelkane stod rett, og ropte til drengen: «E han i vater, dinnja bjelkjen?» Drengen la vatermålet inntil, kneip det eine, så det andre auget igjen, og ropte tilbake: «Han e i vater, og vel så det!»

I boka "Heilt sant - og vel så det" har Ivar Andenæs på nytt samla fleire hundre gode historier frå Nordfjord. Då den første boka med Nordfjord-historier, "Feil manglar vi alle", kom ut i 2021, gjekk ho til topps på mange salslister i Sogn og Fjordane. I "Heilt sant - og vel så det" finn du historier som gjev opphav både til humring og den store skratten. Historiene omfattar dei fleste emne i menneskelivet, og er samla etter tema i ni kapittel. Boka er rikt illustrert med over 100 fotografi.